Cultura

  • programaciondest

Programación cultural marzo 2017

09/03/2017|Comentarios desactivados en Programación cultural marzo 2017

  • rozalen-destacada

Rozalén actua este venres no Alovi

07/03/2017|Comentarios desactivados en Rozalén actua este venres no Alovi

  • feiragrelodest

XXXVII Feira do Grelo

10/02/2017|Comentarios desactivados en XXXVII Feira do Grelo

Edificios Culturais

Casa Dopeso

O edificio de servizos múltiples abriuse no ano 1992 como un espazo polivalente. A súa propiedade é municipal e depende do Concello das Pontes.

O edificio consta de tres plantas e soto. No soto está situada unha sala de exposicións, unha aula de informática, camerinos e diversos almacéns. Na planta baixa encóntrase o salón de actos, con 218 butacas e un pequeno escenario, sendo a relación público-escena fixa frontal. As actividades que se realizan son moi variadas: música, teatro, danza, congresos, conferencias, reunións … e, en xeral, calquera espectáculo de pequeno formato. Na primeira planta sitúanse as oficinas do Departamento de Cultura e un almacén. Na segunda planta sitúanse as oficinas de Servizos Sociais do Concello das Pontes, unha aula polivalente e os aseos. Na terceira planta encóntrase unha sala de danza e a sala de máquinas.

DIRECCIÓN:  Casa Dopeso.  Rúa Rosalía de Castro, nº 28 – 1º. 15320-As Pontes

Teléfono: 981 44 03 44
Fax: 981 44 03 44
Móvil: 607 28 39 29
Correo Electrónico: [email protected]

Auditorio Municipal Cine Alovi

Inaugurado no ano 1.951, como sala de cine comercial, naquel momento chamado de semi-luxo.

No ano 1989 o Concello das Pontes cómprao para usar como Auditorio Municipal. Despois de varias reformas, no ano 1996 sofre unha importante modificación ampliando o espazo escénico e levantando a cuberta existente sobre o escenario, mellorando as excelentes calidades que posúe para a montaxe de escenografías que precisen de decorados de tamaño medio. Posteriormente, mellóranse o illamento acústico e a remodelación total do escenario, instalándose unha cámara negra completa, truss e accesos de público.
Na actualidade, o Auditorio Municipal deixou de lado o seu nacemento como cine comercial e é utilizado para representacións teatrais, sala de cine, actuacións musicais, de danza, conferencias, e todo tipo de actos. Tamén é utilizado como local de ensaio por distintas agrupacións culturais locais.

mimp3/br

A capacidade e dotación deste Auditorio permitiron que este espazo forme parte dunha rede ou circuíto estable da programación teatral de carácter profesional.
O Auditorio Municipal Cine Alovi é de titularidade municipal e depende do Concello das Pontes. O tipo de recinto é cuberto, sendo a relación público-escena de tipo frontal. O Auditorio dispón de billetera e de camerinos.

DIRECCIÓN: Avda. de Galicia, s/n. 15320 As Pontes  · A Coruña
Teléfono e fax: 981 44 03 44
Correo Electrónico: [email protected]

Sala Exposiciones del Mercado Viejo

Sala de exposicións de titularidade municipal e que depende do Concello das Pontes.

O tipo de recinto é cuberto, cunha superficie aproximada de 130 metros cadrados. Dispón de almacén, sala negra de proxeccións audiovisuais e aseos.

Trátase dun espazo para pequenos actos e exposicións con gran versatilidade e moi utilizado.

DIRECCIÓN Avda. de Ferrol, s/n. 15320 As Pontes  · A Coruña
Teléfono e fax: 981 44 03 44
Correo Electrónico: [email protected]

Biblioteca Municipal

Espazo cultural con cantidade de libros de préstamo e con lugares propios para dispoñer dun espazo tranquilo e acolledor para gozar dun libro ou realizar calquera traballo.

A Biblioteca, situada baixo a praza de América ou Praza Vermella, dispón de tres salas de lectura e de consulta.

Á súa vez é a Sede da Asociación de Poetas Alalá.

DIRECCIÓN. Avenida Castelao s/n. 15320 As Pontes – A Coruña

Teléfono: 981 102 562 / 981 452 417
Correo Electrónico: [email protected]

HORARIO: Luns a venres: de 11h. a 13h. e de 16h. a 20h.  Sábados: de 10h. a 13h.

Conservatorio de Música

O Conservatorio Profesional de Música das Pontes de García Rodríguez vén realizando o seu labor docente dende o curso 1989/1990.

A súa situación é no Poboado das Veigas, no antigo colexio Endesa.
A oferta educativa é de Grao Elemental e de Grao Profesional nas especialidades instrumentais de: piano, percusión, guitarra, violín, viola, violoncello, frauta travesera, clarinete, saxofón, trompeta, trompa, trombón e tuba.

As clases impártense principalmente en horario de tarde, de 15h a 22h.
O horario de secretaría durante o curso é de 15h a 21h, e fóra dos días lectivos, en horario de mañá.

DIRECCIÓN Avda. As Veigas, s/n  15320 As Pontes · A Coruña

Teléfono: 981 44 00 24 – Fax: 667 12 93 66
Correo Electrónico: [email protected]

Página web: conservatorio.aspontes.org

Feiras e Festas

Feira do Grelo e Entroido

A Feira do Grelo, que hoxe goza de fama en toda a Comunidade Autónoma, naceu no ano 1981 como froito dunha iniciativa da Corporación Municipal e da Comisión de Festas do devandito ano. Vendo o auxe da industria e a progresiva desaparición da agricultura tradicional decidiron potenciar un dos produtos típicos da zona: o grelo.

Dende ese momento vénse celebrando con carácter anual, cada domingo de Entroido, atraendo miles de persoas de toda Galicia. Ao longo da xornada, sucédense diversos actos entre os que destacan o Concurso de Grelos, Mostras Artesanais e de Alimentación, pasarrúas e degustación de comida elaborada a base de grelos.

A Festa de Entroido do concello das Pontes realízase co fin de promover a participación dos veciños e coa idea de recuperar o seu carácter tradicional e popular. O Concello das Pontes organiza un festival de comparsas e unha cabalgata de entroido

Festas Patronais do Carmen e A Fraga

As Pontes é a única poboación galega de interior que honra coas súas festas patronais á Virxe do Carme. Esta data celébrase dende o 16 de xullo do ano 1741. Durante varios días sucédense os pasarrúas, verbenas, actos culturais e deportivos, que enchen de xente as rúas das Pontes.

De especial relevancia é a Procesión Nocturna que o sábado da festa parte da Capela do Carme coa imaxe da Virxe ata a Igrexa de Santa María, e que se leva de volta o domingo pola mañá, camiñando sobre unha extensa alfombra floral.

O colofón destas celebracións chega o 24 e 25 de xullo da man da tradicional Romaxe da Fraga. Por espazo de dous días, este bosque de carballos municipal de gran vistosidade, acolle as casetas de madeira dos romeiros que comen e dormen no lugar. A misa de campaña, os gaiteiros, as orquestras e a celebración do Festival Folk non son máis que algúns dos ingredientes da festa.

Feira de Cogomelos e Fungos

A Feira de Cogomelos e Fungos celébrase o día 1 de novembro.

Paralelamente ao concurso e exposición de cogomelos, celébranse outras actividades como unha degustación popular, saídas ao bosque en busca de cogomelos, conferencias e exposicións.

Festas Parroquiais

San Xoán
Lugar: Aparral
Data: 24 de Xuño (ou o fin de semana máis próximo)

San Antón e San Ramón
Lugar: Bermui
Data: Segundo fin de semana de Xuño e o 31 de Agosto.

A Asunción e San Antón
Lugar: O Deveso
Data: 15 de Agosto e 13 de Xuño

Sta. María
Lugar: Espiñaredo
Data: 15 de Agosto (ou o tercer fin de semana de Agosto)

O Rosario
Lugar:Faeira
Data:Primer domingo de Octubre

San Xoán
Lugar: O Freixo
Data: 24 de Xuño (ou o fin de semana máis próximo)

San Martiño
Lugar: Goente
Data: 11 de Novembro(ou o fin de semana máis próximo)

A Virxe do Carmen
Lugar: As Pontes
Data: 16 de Xullo

Sta. María e San Roque
Lugar: Ribadeume
Data: 15 de Agosto

San Pedro e San Roque
Lugar: San Pedro de Eume

Data: cada ano dedícaselle a festa a un dos dous

San Xoán
Lugar: Seoane
Data: 24 de Xuño

San Mamede
Lugar: Somede
Data: Tercer fin de semana de Xuño

San Andrés
Lugar: Vilavella
Data: 30 de Noviembre (ou o fin de semana máis próximo)

Ordenanzas e Regulamentos

Ordenanzas Fiscais

Ordenanzas Fiscais

Saber máis…

Ordenanzas Reguladoras

Ordenanzas Reguladora

Saber máis…

Subvencións

Subvencións

Saber máis…